تأشيرة الخروج النهائى والعودة مرة اخرى للمملكة: 2009

محاورات المصريين _ المغتربين المصريين - egyptian expatriates _ استفسار عن من خرج بتأِشيرة نهائي من السعودية ثم عاد من جديد

كاتب الموضوع: العاطفى Oct 10 2008, 12:56 AM

استعلم عن قانون البصمة
هل اللى بصم بالسعودية ينفع يجى على فيزا تانية ولا اية؟
وياريت لو حد عارف اى حالة خرجت ودخلت تانى يدلنا؟

كاتب الموضوع: ابو عمر Oct 10 2008, 11:40 AM

اخى العزيز احب اطمنك انا والحمد لله كنت خرجت من السعودية من فترة وكنت بصمت قبل ماخرج والحمد لله جيت تانى السععودية فى منطقة تانية وبرضة بصمت وانا داخل وقلى موظف الجوازات انت بصمت قبل كدة وكنت فى السعودية قبل كدة وخرجت بتأ شيرة خروج نهائى قلتلة ايوة قالى طيب حمدالله على السلامة ااتفضل والحمد للة انا دلوقتى فى السعودية وبدأت الرحلة مرة اخرى من تانى

كاتب الموضوع: se_ Elsyed Oct 10 2008, 06:13 PM

خبر عظيم جداً واعرف زملاء لسه عاملين كده بس ما كنتش عايز اكتب ذلك الا لما اتأكد ...

لكن هذا بخصوص تأشيرة النهائي ...

فهل هناك احد شاهد حالة خروج وعودة وتغيير جواز سفر وكان باصم ثم عاد مر اخرى ؟

كاتب الموضوع: الحازم حسن Oct 10 2008, 07:39 PM

أنا في مصر دلوقتي
معظم مكاتب التوظيف بتقول ان موضوع البصمة ده معمول عشان تأشيرات الحج والعمرة بس ولا دخل للعمالة الأجنبية في الموضوع
لكن مفيش شيء أكيد

ممكن حالة الأخ اللي بيقول انه خرج نهائي ورجع تاني تكون حالة خاصة لان النظام مش حيتطبق فعليا الا مع بداية السنة الهجرية الجديدة

كاتب الموضوع: se_ Elsyed Oct 10 2008, 09:27 PM

إقتباس(الحازم حسن @ Oct 10 2008, 08:39 PM)

لا شأن يا حازم بالحج والعُمرة بموضوع البصمة ... والا لماذا بصمنا نحن المقيمون ؟

لكن اتفق معك ان امور كتيرة هاتضح مع بداية السنة الهجرية الجديدة سواء للي في داخل السعودية او اللي جايين جدد

كاتب الموضوع: Alrefaey Oct 10 2008, 11:49 PM

إقتباس(ابو عمر @ Oct 10 2008, 12:40 PM)

فعلا خبر ممتاز وكنا فى انتظار معرفته طول الفترة الماضيه

لكن سؤالى لحضرتك اخى الكريم هل قمت بتغير جوازك بعد نزولك ام لا وهل لمادخلت المطار مليت استمارة الدخول لاول مرة ام دخلت عادى ومن اى مطار دخلت جده ام الرياض

كاتب الموضوع: muhamed Oct 11 2008, 01:17 PM

إقتباس(Alrefaey @ Oct 11 2008, 12:49 AM)

إقتباس(ابو عمر @ Oct 10 2008, 12:40 PM)

برده اخى الكريم فى سؤالين الاول الفترة الزمنية بين تاشيرة الخروج و العوده و التانى هل كان هناك معك خطاب عدم ممانعه

كاتب الموضوع: wayfarerr Oct 11 2008, 01:48 PM

استفسار يا أخوة ن اللي خرج بتأشيرة خروج وعوده وراجع على فيزا تانية بعد مرور اكثر من عام على انتهاء تأشيرة العوده بجواز جديد ومهنة جديدة ومكان جديد

كاتب الموضوع: ابو عمر Oct 11 2008, 06:41 PM

السلام عليكم
احب ارد على الاستفسارات اولا ايوة انا غيرت جوازى فى مصر وعملت جواز جديد ثانيا انا مليت الاستمارة للوافد الجديد فى المطار ودخلت من مطار الدمام ثالثا الفترة بين تأشيرة الخروج النهائى والعودة مرة اخرى 6 اشهر تقريبا رابعا لم يكن معى خطاب عدم ممانعة وانا تحت امركم فى اى استفسار

كاتب الموضوع: Alrefaey Oct 11 2008, 08:37 PM

إقتباس(ابو عمر @ Oct 11 2008, 07:41 PM)

شكرا اخونا الفاضل ابوعمر على اهتمامك وردك المطمئن

كاتب الموضوع: الحازم حسن Oct 12 2008, 01:43 AM

إقتباس(se_ Elsyed @ Oct 10 2008, 10:27 PM)

إقتباس(الحازم حسن @ Oct 10 2008, 08:39 PM)

لا شأن يا حازم بالحج والعُمرة بموضوع البصمة ... والا لماذا بصمنا نحن المقيمون ؟

ماهو أنا قلت انه مفيش شيء أكيد
انا في انتظار واحد هندي خرج نهائي وناوي يرجع بفيزا تانية ومش حيغير الباسبور
خلينا نشوف

كاتب الموضوع: النجم الثاقب Oct 13 2008, 06:54 PM

كمان يا جماعة لو تعرفوا حد خرج خروج و عودة و مغيرش جواز سفره لكن اقامته الاولانية مدتها خلصت و رجع على فيزا تانيه .. لو تعرفوا حصل معاه ايه يا ريت تبلغونا .. جزاكم الله خير

كاتب الموضوع: eng hoss Oct 13 2008, 07:26 PM

أنا أعرف واحد عمل خروج وعوده وبعدين جه بتاشيره جديده واتمسك ودخل السجن ولم يكن عمل بصمه لكن التاشيره الأولى عليها صورته واسمه طبعا وذلك
لمخالفته قوانين العمل السعوديه وحتى الكفبل الاولانى مش عارف يخرجه

وأعرف واحد تانى خد نهائى وجاب فيزا جديده والسفاره ماردتش تديلوا التاشيره
لأنه عنده ممناعه لمدة عام من الكفيل الاولانى

كاتب الموضوع: العاطفى Oct 13 2008, 07:54 PM

مشكورين يا جماعة للى اهتم وردواللى قالو تجاربهم فى الموضوع وعلى فكرة انا سالت ضابط بالجوازات (مدير الاقامات) قالى الامر عادى ممكن يرجع على فيزا تانية بس بشرط يكون خروج نهائى
اما الذهاب والعودة احتمال كبير جدا ما يدخلوه
بس للكفيل الاول حق فى انة يرحلة لو عرف انة جاء على فيزا تانية
فالافضل ان ما يدرى الكفيل الاول

[font="Arial Black"][/font]

كاتب الموضوع: غريب الخبر Oct 13 2008, 11:39 PM

الى الاخوة ابو عمر - العاطفى -eng hoss

يعنى انه فى حالة الخروج النهائى من الكفيل ليس هناك ادنى مشكلة فى العودة حتى ولو بعد شهر؟

وهل هذا معناه ان اخلاء الطرف او عدم الممانعة ليست ذات قيمة فى حالة الخروج النهائى ؟

ومن فضلكم اذا رفض الكفيل اعطاء اخلاء الطرف هل يمكن ان يؤخذ قانونا مثلا عن طريق مكتب العمل فى حالة الخروج النهائى؟

جزاكم الله خيرا

كاتب الموضوع: se_ Elsyed Oct 14 2008, 07:08 AM

إقتباس(غريب الخبر @ Oct 14 2008, 12:39 AM)

ومن فضلكم اذا رفض الكفيل اعطاء اخلاء الطرف هل يمكن ان يؤخذ قانونا مثلا عن طريق مكتب العمل فى حالة الخروج النهائى؟

لأ ... لإن مافيش حاجه في القانون إسمها إخلاء طرف وكل اللي لك عنده هو مستحقاتك المادية وشهادة خبرة يعني لا عدم ممانعة ولا إخلاء طرف للأسف تقدر تاخدهم منه ولا بقوة القانون...

وخليك ناصح في إنك تجمع أي اوراق ومستندات رسمية تفيد إن معلكش مليم للشركة وخليهم معاك لوقت عوزه ..

على سبيل المثال ... الحسبة بتاعت التصفية النهائية الي بتوضح مثلاً إن لك 5 ألاف ريال مستحقات نهائية عند الشركة وبعدها الشركة لا تعطيك الشيك إلا لما توقع لهم إقرار بإستلام جميع مستحقاتك وكعادة معظم الشركات هنا .. هما يأمنوا نفسهم ويكتفوك ويحزموك ويوقعوك على إقرارات زي ما حصل في فيلم حسن ومرقص وكوهين .. لكن إنت ما تقدرش تاخد منهم حاجة تفيد إخلاء طرفك أو إنهم مالهمش حاجه عندك .. ومع ذلك الإقرار بتاعك ده ممكن يبقى قرينة ضدهم عند اللزوم

إذ انه كيف يا شركة يا حلوه تديني مستحقاتي اللي هي 5000 ريال وانا كان علي ديون أو حاجة مُعلقة ؟

حتى لو إكتشفوا حاجة بعد كده ... فليس من حق الشركة إنها تشتكي احد موظفينها أو من كان موظفها بعد 15 يوم من وقوع المخالفة ..

يعني مش هايفض الإتهام بالسرقة أو الإختلاس سيف مُسلط على رقبتي طول العُمر وورقة البيه صاحب العمل شايلها في الدُرج يطلعها يهددني بها وقت ما هو عايز وأفضل تحت رحمته ...

كاتب الموضوع: wayfarerr Oct 14 2008, 11:39 AM

يا جماعه عاوزين حد يكون متأكد بخصوص تأشيرة العودة والرجوع بفيزا تانية
حد يكون شاف حالة واقعيه او مر هو بنفس التجربة
تأشيرة خروج وعوده انتهت من سنة وراجع بفيزا جديدة وجواز جديد
مع العلم اني بصمت

كاتب الموضوع: se_ Elsyed Oct 15 2008, 07:46 AM

إقتباس(wayfarerr @ Oct 14 2008, 12:39 PM)

لسه شايف حالة واقعية إمبارح .. بس للأسف كان خرج بخروج وعود ورجع بتأشيرة جديدة لكنه لم يكن بصم ..

كاتب الموضوع: wayfarerr Oct 15 2008, 07:23 PM

الاخ الكريم سي السيد
انت رأيك ايه بالنسبة ليا
انا بصمت وكنت بمهنة عامل زراعي ودالوقتي جاي بمهنة سباك
والعودة انتهت من سنة
وايه رأيك ادخل من مطار جدة ولا تنصحني بايه

كاتب الموضوع: ابو حودة Nov 4 2008, 08:16 AM

يا جماعة الخلاصة ان اللي معاه خروج نهائي وحتى ما غيرش الجواز يقدر يرجع تاني يوم
بس المشكلة في السفارة هناك ولا في المطار ولا في الاثنين يا ريت حد يرد مع العلم ان البصمة شغالة من فترة يعني معظم الناس بصمت خلاص

كاتب الموضوع: OmarBak Nov 4 2008, 09:45 AM

والله يا شباب انا اعرف واحد نزل نهائي من يومين ومبصمش فى المطار
بس هو هيرجع على فيزا تانية

كاتب الموضوع: الحيران Nov 5 2008, 06:47 PM

[color="#8B0000"][/color]السلام عليكم ورحمة الله
بالله حد يعرف اى شىء عن موضوع ان واحد يخرج ذهاب وعوده وبعدين ياجى على فيزا جديدة مع انه باصم ومتصور بالله افيدونى وللتواصلف خاصة سى السيد وابو عمر علىاميلى shag083@yahoo.com وشكرا

كاتب الموضوع: se_ Elsyed Nov 5 2008, 08:09 PM

إقتباس(الحيران @ Nov 5 2008, 07:47 PM)

يا بيه انت محيرنا معاك ليه ؟

مانت فاتح موضوع خاص بسؤالك

فليه تضع مداخلة اخرى في الموضوع ده ؟!!!!!!!

كاتب الموضوع: الحيران Nov 6 2008, 12:21 AM

معلهش اسف ياسى السيد بس فعلا انا حيران جدا وارجوك تفيدنى وارجو كل اعضاء المنتدى اللى يعرف حالة واقعية يدلنى ويراسلنى على اميلى shag083@yahoo.com وارجو من سى السيد اميله عى الياهو او الهوت للتواصل اكثر لان عجبنى فى خبرته الواسعه شكرا

تأشيرة الخروج النهائى والعودة مرة اخرى للمملكة

الأربعاء، 22 أبريل 2009

تأشيرة الخروج النهائى والعودة مرة اخرى الى السعودية

أرشيف المدونة الإلكترونية

من أنا